Сладок, модерен и тренди октомври | Trendseteri
Menu

Сладок, модерен и тренди октомври

Супер стилски идеи за вашите есенски модни комбинации

За нас октомври е супер месец, бидејќи знаеме дека летото сѐ уште трае, но е многу поблаго, а есента е на прагот и ни овозможува конечно повторно да уживаме во сите оние сезонски трендови кои моравме да ги ставиме „на пауза“ во текот на жешките летни денови. И да, октомври е совршен за спој на летото и есента, бидејќи само тогаш можете да го носите омилениот летен фустан и омилената кожна јакна и тоа во иста модна комбинација! Па, дали може да биде посовршено? Затоа, доколку и вие се радувате на оваа меѓу сезона, тогаш ви даваме неколку супер стилски идеи за вашите есенски модни комбинации.

Омилената летна боја, жолтата, комбинирајте ја со омилената блуза во есенски бои за едноставна, но симпатична комбинација која може да се опише како „дожд од бои“. Целата комбинација надополнете ја со едноставни аксесоари.

Време е повторно без грижа на совеста да ги носите вашите омилени фармерки, па комбинирајте ги со она што најмногу го сакавте во текот на летото – лесни блузи и папучи.

Не се откажувајте од вашиот омилен летен фустан! Во текот на топлите октомвриски денови носете го со бела блуза и модерни бели чизми или патики.

Коцките се повторно во мода! Ако ги носите во црно-бела варијанта, комбинирајте ги со тесни панталони и каубојски чизми до глуждовите.

Ако не сакате да се откажете од белата кошула-фустан која толку многу сте сакале да ја носите во текот на летото, за октомври ви е доволно да ја надополните со крем панталони и аксесоари. Тоа е тој едноставен, а модерен изглед.

А, еве и уште една варијанта – омилениот бел летен фустан само збогатете го со кожна јакна и подготвени сте за топлите октомвриски ноќи.

Ќе признаете дека ја сакате есента, бидејќи не морате да размислувате за тоа дали ќе ви биде топло во комбинацијата која сте ја осмислиле. Затоа, сега слободно можете да ги носите сите долги здолништа, а заради балансот, комбинирајте ги со лесни блузи. Кога избирате вакво секси издание, слободно одлучете се и за високи потпетици.

Кога ќе посакате да изгледате урбано и кул, тогаш изберете модерни фармерки со вез, едноставна бела блуза и ултра модерен елек. Ќе изгледате како една од вашите инспиративни ѕвезди на уличната мода.

Исто така, предвид доаѓаат и ваквите креативни комбинации. Овој фустан/мантил го сакаме веднаш!

Заборавете на класичните модели и форми кога се во прашање фармерките. Спојте го убавото и модерното со овој комбинезон од тексас.

Модните комбинации инспирирани од темата „враќање во училиште“ се одлични за во октомври. Па затоа, создадете комбинација која содржи кошула, џемпер, каро дезен и оксфордки. Тоа е тоа!