Безусловно! | Trendseteri
Menu

Безусловно!

Најдобрата врска во вашиот живот ќе ви биде со личноста што ги прави овие нешта


Поголемиот дел од животот, луѓето го поминуваат во потрга по „вистинската“ личност. Личност со која ќе доживеат чиста љубов, која ќе трае до крајот на животот. Но, како што вели изреката: „Треба да бакнете многу жаби за да го пронајдете принцот“. Пред да ја пронајдете личноста со која ќе го поминете остатокот од животот, прво треба да запознаете многу погрешни луѓе и да преживеете многу скршени срца.

Иако е точно дека сите луѓе различно ја изразуваат љубовта, личноста со која ќе имате најдобра врска во вашиот живот, ќе ги прави следниве работи за вас:

 

Ќе ви посвети внимание
Ќе ве гледа во очи и внимателно ќе го слуша она што го зборувате. Ќе сака да знае сè за вас. Ќе се грижи за вашите чувства, мислења и проблеми, и ќе ви помогне во надминувањето на најголемите стравови и несигурности. Тој ќе ги запомни сите мали работи за вас, кои никој друг не ги ни забележува. Тој ќе ве смее секој ден, бидејќи вашата насмевка ќе му го исполнува срцето со среќа.

Целосно ќе ви се посвети
Вие ќе му бидете приоритет во животот. Неговата најголема желба ќе биде да се чувствувате среќно и исполнето. Тој ќе направи сè за да се чувствувате како во рајот. Без разлика колку и да е зафатен или колку му е лош денот, тој никогаш нема да направи да се почувствувате запоставено или игнорирано.. Секогаш ќе има време за вас.

Ќе ве прифати и ќе сака такви какви што сте
Тој ќе ги знае вашите доблести и предности, несигурности и слабости. И покрај тоа, ќе ве прифати и ќе ве обожува. Никогаш нема да ве натера да се промените, бидејќи знае дека несовршеностите се тие кои ве прават да бидете личност која сте. Ќе ве охрабри да се прифатите и да се сакате такви како што сте. За оваа личност вие ќе бидете совршена.

Ќе се грижи за вас
Ќе биде покрај вас кога ќе ви биде скршено срцето и ќе се чувствувате тажни. Ќе ве заштитува од сè и секого. Никогаш нема да ве остави да се справите сами со проблемите. Тој ќе биде вашиот најголем обожавател и најдобрата помош. Тој ќе проверува дали сте стигнале безбедно дома и никогаш нема да заборави да ве праша за вашиот поминат ден. Ќе направи сè за да се чувствувате сакано, сигурно и заштитено, бидејќи вие сте му најважното нешто во животот.

Ќе биде подготвен да вложи труд
Тој знае дека „за танго се потребни двајца“. Тој ќе се осигури да имате подеднаков дел во врската. Нема да чека само вие да организирате настани или да донесувате важни одлуки во врската. Тој ќе ги прави сите оние незабележителни романтични работи, бидејќи знае колку се потребни во одржувањето на врската.

Ќе ги решава кавгите со зрел пристап
Кога ќе наидете на препреки и предизвици во врската, тој никогаш нема да ги игнорира вашите проблеми или да започне лута расправија со вас. Напротив, секоја тешкотија ќе ја реши со зрелост, имајќи разбирање за вашите чувства. Ќе направи да се чувствувате удобно и слободно, да ги изразувате вашите мислења, без разлика колку се различни од неговите. Никогаш нема да ве осудува и критикува или да направи да се чувствувате безвредно. Напротив, секогаш ќе дискутира за проблемите со вас, на цивилизиран начин, обидувајќи се да пронајде разумно решение.

Нема да му биде срам да ви ја покаже ранливоста
Тој нема да чувствува страв или срам за да ви покаже како се чувствува. Доколку е тажен, ќе плаче. Доколку се плаши, ќе го сподели неговиот страв со вас. Тој ќе ви ја покаже душата. Ќе ви ги покаже неговите ранливи страни, бидејќи знае дека на овој начин ќе се поврзете емоционално и душевно.

Ќе биде горд на вас
Тој ќе биде горд на вашите достигнувања и на самите вас како личност. Тој ќе ве охрабрува да продолжите во потрагата и остварувањата на вашите цели. Тој гордо ќе ја чува вашата слика на телефонот и ќе се осигури нејзините пријатели и семејство да знаат кои сте вие. Тој ќе ви покаже колку е горд и благодарен што ве има во животот.

Ќе ви дава комплименти
Тој нема да заборави да ви каже колку сте убава, паметна и способна. Дури и кога ќе се чувствувате несигурни во себе или ќе се сомневате во вашите способности, тој секогаш ќе знае да направи да се чувствувате подобро. Но, најважно од сè, кога ќе ви даде комплимент ќе знаете дека навистина го мисли тоа.

Ќе ве вклучи во плановите за иднина
Кога тој ќе прави планови, без разлика дали станува збор за краткорочни или долгорочни, секогаш ќе бидете вклучени. Тој ќе ја замислува иднината со вас.

Ќе ве сака безусловно
Тој ќе ви покаже како изгледа вистинската љубов. Ќе ви покаже колку ве сака и ве почитува, не само преку зборови туку и со дела. Ќе ве сака и покрај вашата необичност, каприци и несигурности. Ќе ве сака во тешките времиња, дури и кога тоа ќе изгледа невозможно.

Ќе ве сака со целото срце, бидејќи нема да може да живее без вас!

Тој човек го поседувате, бидејќи тој така сака!
Само треба да дозволите!

Vesna Jovanovska, advokat, адвокат, весна јовановска, бина