Gostivar Future Music Festival
Музичарите од Гостивар повторно обединети на мултиетничкиот фестивал кој се одржа веќе четврта година по ред. Целта е да се покаже сплотеност, единство и дружење на различните етникуми како и можноста да се презентираат сите познати, а и помалку познати музичари од градот.
Фестивалот може да се каже дека веќе стана традиција во нашата општина. Ова е четврта година како ние настапуваме и испраќаме една порака “Со љубов од Гостивар”. Јас како изведувач и неколку други што сме уште од почетокот на создавање на овој фестивал продолжуваме да учествуваме и да даваме поддршка на овој настан. Од година во година се појавуваат и нови изведувачи што е добро. Кога сме кај посетеноста може да се пофалиме дека секогаш бројката е голема. Тоа е знак за добра организавија исто така и мотив да се продолжи понатака. Фестивалот ќе се одржи на 28ми овој месец со почеток во 21h на градскиот плоштад во Гостивар.
