Крајот на една ера
Некогаш најобожаваниот бренд за долна облека е вистински пример што им се случува на оние кои одбиваат да се прилагодат на новото време.
После неколку месеци спекулирања на социјалните мрежи, но и критичките коментари на експертите кои истакнуваа како поимот сексепил и тоа како денес е променет, дека оној за кој пропагираше најмоќниот светски бренд одамна рокот на траење му е поминат, стигна и официјална вест: Victoria’s Secret Show, за прв пат после 24 години, нема да се одржи.
Victoria’s Secret Show со години важеше за моден Super Bowl. Најголемиот моден спектакл кој се карактеризираше со екстраваганција и раскош, традиционално се одржуваше во ноември секоја година и се прикажуваше на ТВ екраните во декември, а во нивните најдобри денови ова шоу го следеа повеќе од 10 милиони гледачи ширум светот. Илјадници девојки пораснаа со ова шоу, сечејќи фотографии од весниците и лепејќи ги по ѕидовите како постери. Ниту една модна ревија не привлекуваше толку внимание како шоуто на Викторија Сикрет.
Адријана Лима со рекорден број настапи на ова шоу
Но, сега светот се промени, и неодамнешниот најпопуларен бренд за долна облека продолжи со стариот рецепт кој некогаш му носеше слава и огромни приходи. Минатата година ова шоу беше гледано од само 3.3 милиони луѓе, што е четири пати помалку во споредба со нивните најдобри денови неколку години претходно.
Една од најпознатите ангели Жизел Бундшен која успеа благодарение на ова шоу
Најважната причина за нивниот пад е дефинитивно пребавното прилагодување на новите трендови. Прекрасните ангели со совршено тело им станаа досадни на публиката, а брендот често беше мета на критики токму заради нивното прикажување на “совршеност”, која е далеку од реалноста. Ситуацијата кулминираше кога директорот за маркетинг Ed Razek во едно интервју изјави дека на шоуто не му се потреби plus-size модели бидејќи неговата улога е да ја прикаже фантазијата, а не реалноста. После низа критики, тој поднесе оставка, но штетата беше веќе направена.
Лејди Гага на најскапото Викторија Сикрет шоу одржано во 2016 година
Но сепак, завршиот удар на Викторија Сикрет го зададе спектаклот на Ријана со Savage x Fenty шоуто. Ријана на публиката и ја претстави новата визија на сексепил, наменето за жените, а не за мажите. Разновидноста на модели, самодоверба и женска моќ, кој ја претстави реалноста, а не совршеноста. Триумфираше баш таму каде што Викторија Сикрет потфрли. Откажувањето на ова шоу кое за прв пат се емитува уште во 1995 година не значи и крај на брендот, но секако го означува крајот на една ера.
Хајди Клум во најскапиот градник вреден 11 милиони долари (2003)
Карли Клос на својата последна ревија во 2017 година 
Џиџи Хадид на ревијата од 2018 г. одржана во Њујорк
