Навики во исхрана | Trendseteri
Menu

Навики во исхрана

7 чекори како да ги средиш своите навики во исхрана


Овој период повторно многу луѓе ќе посегнат по нови резолуции и ветувања дека ќе ги средат своите навики во исхрана. Трите најголеми проблеми поради кои тоа изгледа како невозможна мисија се емоциите, околината и погрешните очекувања.

Многу од нас не можат да се исконтролираат во ситуации кога најмногу треба и често одлуките ги прават нивните емоции. Нервозата во домот или на работа, досадата, тагата, се ситуации во кои што се прават најголемите грешки. Околината е исто така голем предизвик. Многу од вас се соочуваат со различни коментари и совети од семејствотот и пријателите. Сите ти кажуваат што да правиш или како со твојот избор нема ништо да постигнеш. И на крај си самиот ти и твоите очекувања. Имам едно многу голема вистина за тебе. Не постои идеална диета и исхрана! И никогаш нема да постои! Најди си нешто што ќе функционира за тебе.

 

  • Поставете си разумни цели

     

Бидете прецизни. „Сакам да бидам физички активен“ или „сакам да се хранам поздраво“ се премногу општи цели. Наместо тоа, речете си „ќе пешачам по 30 минути секој ден“ или „сам ќе си приготвувам ручек двапати неделно“. 

 

  • Прво почнете со најлесните промени

     

Не почнувај да жонглираш уште од одма со 5 топчиња ако не си пробал ниту со 2. Многу од вас на база на почетнички ентузијазам се решаваат да почнат со вода, редовни здрави оброци и вежбање. Понекогаш многу промени наеднаш се преголем залак.

Откако ќе ги постигнете најлесните цели ќе се почувствувате успешни. Ќе добиете сила да прифатите повеќе предизвици. Штом малите промени ќе станат трајни, ќе продолжите со промените, а со тоа ќе имате големи придобивки за здравјето.

 

  • Не размислувајте: готово, сега ќе мора ова да го правам цело време“!

     

     

Пробајте да ја правите промената само за викенд без да претерувате. Или да ја правите од ден за ден, дури и од оброк до оброк, ако треба.

Кажете си, „Ајде, овој викенд ќе ја направам таа промена.“ Или, „Ајде, денеска ќе ја направам таа промена.“ Или, „Ајде, за овој оброк ќе го сменам тоа.“

 

  • Водете си евиденција за да знаете колку напредувате.

     

Ако се обидувате да бидете физички поактивни, запишувајте ги минутите или километрите по колку трчате. Ако се обидувате да јадете помалку слатка храна, поставете си неделна граница и водете евиденција. И бидете горди за секој мал успех.

 

  • Обидете се да претпоставите што може да ви го промени планот и планирајте според тоа.

     

Ако не можете да се откажете од забавите, направете си план да изедете ужина пред да одите на забавата. Предвреме одлучете колку пијачки ќе испиете. Ако знаете дека наутро го одложувате алармот наместо да станете за вежбање, ставете го часовникот во другиот дел од собата — веднаш до опремата за вежбање.

 

  • Вежбајте да си го одвлекувате вниманието.

     

Кога ќе се настрвите да јадете нешто што не треба, речете си дека ќе почекате 15 минути и потоа ќе јадете. Всушност, ќе почнете да правите нешто друго и ќе заборавите на јадењето.

 

  • Откријте што ви создава лоши навики и направете промени.

     

Ако секогаш кога поминувате покрај објект за храна и пијалаци сакате да си купите нешто, тогаш обидете се да не поминувате покрај него или не носете пари со себе. За да не јадете навечер, наместо да одите во кујна да земете нешто од фрижидерот, одете во купатило и измијте си ги забите.

#askJosif