Сè поголем број на жени се заинтересирани за оваа операција
После многу години доминација на облините на Ким Кардашијан, малите гради повторно се враќаат во мода.
Сè поголем е бројот на дами кои се заинтересирани за смалување на големината на нивните гради, покажало неодамнешно истражување.
Истражувањето набљудувало што пребаруваат дамите на Гугл и изненадувачки е тоа што поголем број од нив барале намалување, наместо зголемување на градите, пренесува Дејли Стар. За еден месец, 22.000 пати било пребарувано на Гугл за смалување на градите, а само 8.100 пати за зголемување.
Веднаш после градите, трансплантацијата на коса се нашла на листата на најпребарувани козметички операции. Ова не е изненадување, бидејќи е сè поголем бројот на познати личности кои истакнуваат дека биле подложни на овој зафат. Вејн Руни, Калум Бест и Џо Сваш се само некои од оние кои јавно зборувале за интервенцијата.
