Народот се разлеа на улиците низ Скопје, преполн Скопскиот плоштад
Ракометарите на Вардар за прв пат во својата историја станаа европски шампиони и со нивниот триумф во финалето во Келн испишаа историја во македонскиот ракомет. Историски ден во македонскиот спорт. Луѓето кои спонтано се собираа, како во главниот град така и во цела Македонија масовно излегоа на улиците и достоинствено ја прославија легендарна победа против големиот ПСЖ.
Градот Скопје во вторник ќе го организира пречекот на нашите шампиони каде сите ќе имаме можност “црвено-црните” да ги дочекаме достоинствено.
Се слушаа викотници “Вардар шампиони” “Ајде ајде ајде Вардаре” на сите страни, 4 јули ќе остане запаметен во срцата на луѓето од целата држава… ден кога Вардар се качи на европскиот ракометен трон!
