Најдобар документарен и најдобар интернационален филм
И официјално излезе листата од “The Academy of Motion Picture Arts”, за 92 Награди на Академијата во девет категории: Документарен филм, Документарен кус филм, Интернационален филм, Шминка и фризура, Музика, Оригинална музика, Кус анимиран филм, Кус филм и Визуелни ефекти.
Македонскиот филм „Медена земја“ во режија на Тамара Котевска и Љубомир Стефанов, влегува во две категории.: „Најдобар документарен филм“ и „Најдобар интернационален долгометражен филм“.
Во категоријата Најдобар документарен филм, во потесниот избор влегоа петнаесет филмови од сто педесет и девет филмови колку што беа предложени.
Листа на документарните филмови кои одат понатаму наредени по азбучен ред:
“Advocate”
“American Factory”
“The Apollo”
“Apollo 11”
“Aquarela”
“The Biggest Little Farm”
“The Cave”
“The Edge of Democracy”
“For Sama”
“The Great Hack”
“Honeyland”
“Knock Down the House”
“Maiden”
“Midnight Family”
“One Child Nation”
Македонскиот претставник „Медена земја“ влезе и во потесниот избор од десет филмови што ќе преминат во следната рунда на гласање и во категоријата „Меѓународен филм за долгометражни филмови“ (порано познат како филмод неанглиско говорно подрачје). Деведесет и еден филм првично биле во конкуренција
Во прелиминарната рунда били поканети да учествуваат членови од академијата од различни области. Нивните седум избори, надополнети со три дополнителни селекции изгласани од Извршниот комитет за меѓународни награди за филм на Академијата, го претставуваат скратениот список на филмови кои влегуваат во потесниот избор.
За тоа кои 5 филмови ќе бидат номинирани, членовите на Академијата од сите области се поканети да се пријават да учествуваат и мора да ги видат сите 10 филмови од потесниот список за да гласаат.
Филмовите наведени по азбучен ред по името на земјата се:
Czech Republic, “The Painted Bird”
Estonia, “Truth and Justice”
France, “Les Misérables”
Hungary, “Those Who Remained”
North Macedonia, “Honeyland”
Poland, “Corpus Christi”
Russia, “Beanpole”
Senegal, “Atlantics”
South Korea, “Parasite”
Spain, “Pain and Glory”
Гласањето за номинации ќе започне на 2. јануари 2020 и ќе трае до 7. јануари. Номинираните 5 филмови, жирито ќе ги објави на 13. јануари.
Главната церемонија на доделувањето на Оскарите ќе се одржи на 9 февруари во Холивуд.
Досега два македонски филмови биле во најтесниот избор за номинација за Оскар – „Пред дождот“ на Милчо Манчевски во 1995 во категоријата Најдобар странски филм и кусиот документарец „Дае“ на Столе Попов во 1980 во категоријата „Најдобар краток документарец“.
