Трендови во ентериерот за ова лето | Trendseteri
Menu

Трендови во ентериерот за ова лето

Како да ви изгледа домот отворен и топол


Ова лето пристигнаа нови трендови кои сигурно ќе остават значаен печат на сите полиња. Дизајнерите, уметниците, модните креатори се стремат да создадат и презентираат нешто ново, уникатно и исклучително импресивно секоја година. Ние направивме мало истражување за трендовите што ќе ја одбележат претстојната пролет и сакаме да ви покажеме како најдобро да ги имплементирате во вашите домови.

 


Living Coral – Боја на годината


Не може да се споменат трендовите без да се спомене бојата што ќе доминира на дизајнерската сцена. Институтот за боја „PANTONE“ објави која боја ќе треба да ја обои оваа пролет, а тоа е бојата „16-1546 Living Coral“. „PANTONE“ вели дека ова е боја на безгрижна среќа, па имајте на ум кога размислувате за бојата што ја сакате во вашиот дом оваа година. Нагласете го ѕидот на една соба во оваа боја, збогатете го просторот со детали во форма на мебел, убава декорација, тепих или оставете го паркетот да се гледа и бидете сигурни дека ќе уживате во домот на бојата на коралите.



Враќање на „boho“ стилот повторно на сцена


Иако никогаш не излегува од мода, „boho“ стилот, оваа година ќе биде еден од најважните трендови во дизајнот на ентериер. Неговата слоевитост и слобода во комбинирањето на бои, материјали и форми ќе им даде на секој еден најдобар можен начин да управува со својот дом. Покрај тоа, „boho“ стилот носи топло добредојде во секој дом, што е впечаток што сакате да го оставите на оние кои првпат доаѓаат во вашиот дом.



Геометриски мотиви


Геометриските мотиви се исто така една од темите во внатрешната декорација, кои оваа пролет ќе бидат особено истакнати. Оваа година тие ќе бидат застапени во сите видови, од ткаенини, уредни инсталации, фотографии, позадина, па сè до самиот под. Ако сте љубител на геометриски мотиви и сте спремни да внесете нешто невообичаено во вашиот дом, колекцијата „Mixоnomi“ е вистинскиот избор за вас. „LVT“ подот со широк спектар на модели и различни геометриски форми ви нуди голем број на опции за создавање на идеален и уникатен под. Од вас се бара да ја пуштите вашата имагинација по волја и да го дизајнирате подот по ваш вкус.



Терацо се враќа во трендот


Многумина ќе бидат воодушевени кога ќе чујат дека терацото е повторно во тренд. Тоа е специфичен материјал кој комбинира парчиња мермер, кварц, гранит и стакло во него. Ефектот кој произлегува создава уникатна, монолитна и убава површина, со делови во неа во разни бои и форми. Овој декоративен под најчесто се користи за декорирање на простории во резиденцијални објекти – бањи, кујни, тераси, како и во деловни објекти.

Се обидовме да ви прикажеме на подобар начин што е она што ќе ја одбележи оваа пролет и како може да ги имплементирате сите овие трендови во вашиот простор. Сега останува на вас да одлучите што е тоа што највеќе ви одговара за да го направите вашиот престој во домот уште попријатен.